ڪراچي ۾ دهشتگردي جو  وڏو منصوبو ناڪام

ڪراچي ۾ دهشتگردي جو وڏو منصوبو ناڪام

ڪراچي (اسٽاف رپورٽر) ڪراچي ۾ دهشتگردي جي هڪ وڏي منصوبي کي ناڪام بڻايو ويو آهي.هڪ وفاقي انٽيليجنس ايجنسي سان گڏيل آپريشن دوران، ڪائونٽر ٽيررزم ڊپارٽمينٽ (CTD) ڪراچي، پابندي مڙهيل تنظيم ”سنڌو ديش لبريشن آرمي“ (SLA) جي ٻن اهم مبينا ڪارڪنن کي گرفتار ڪري ورتو. اختيارين سندن قبضي مان استعمال لاءِ تيار هڪ آءِ اي ڊي (IED – ديسي ساخت جو بم) ۽ هٿ گريناڊ هٿ ڪيا آهن.سي ٽي ڊي جي ترجمان موجب، گرفتار ٿيل ماڻهن جي سڃاڻپ مدد علي (عرف علي) پٽ علي اڪبر ۽ جنيد علي عباسي پٽ امان الله عباسي طور ٿي آهي. ابتدائي جاچ دوران، جوابدارن انڪشاف ڪيو ته هنن پابندي مڙهيل تنظيم SLA کان دهشتگردي جي تربيت حاصل ڪئي هئي. سي ٽي ڊي عملدارن موجب، گرفتار جوابدار پوليس ۽ رينجرز سميت قانون لاڳو ڪندڙ ادارن جي اهم عمارتن ۽ آفيسن جي ريڪي (جائزو) وٺڻ کانپوءِ ڪراچي ۾ حملن جي منصوبابندي ڪري رهيا هئا.

پهنجو تبصرو موڪليو