ڪراچي (اسٽاف رپورٽر) ڪراچي ۾ ڪي ايم سي سٽي ڪائونسل جي اجلاس دوران جماعت اسلامي ۽ پيپلز پارٽي جي ميمبرن ۾ جهيڙو ٿيو ۽ جهيڙي سبب اجلاس ڪجهه دير لاءِ ملتوي ڪرڻو پيو.ميئر ڪراچي مرتضيٰ وهاب ميمبرن کي روڪڻ جي ڪوشش ڪئي، جماعت اسلامي پيپلز پارٽي جي ميمبر تي مخالف ڌر جي اڳواڻ کان اڳ پنهنجي سيٽ رکڻ تي تنقيد ڪئي، تحريڪ انصاف ۽ جماعت اسلامي سٽي ڪائونسل جي اجلاس مان واڪ آئوٽ ڪيو.مرتضيٰ وهاب چيو ته ڪراچي جي ميئر جي حيثيت سان، مان سڀني کي جوابده آهيان، توهان جي ڪنهن به سوال جو جوابده هوندس.هن وڌيڪ چيو ته هن شهر ۽ ملڪ کي وقت جي آخر تائين زنده رهڻو آهي، پنهنجي ڪردار ذريعي ايندڙ نسلن لاءِ فيصلو ڪرڻ جي ضرورت آهي.
