پاڪستان تحريڪ انصاف جي سيڪريٽري جنرل سلمان اڪرم راجا چيو آهي ته سهيل آفريدي پي ٽي آءِ جو اثاثو آهي ۽ ڪو به کيس رستي تان هٽائي نه سگهندو.پشاور ۾ ميڊيا سان ڳالهائيندي سلمان اڪرم راجا چيو ته هو ڪجهه مهينا اڳ سهيل آفريدي کي نه سڃاڻندو هو، جاچ جو عمل مڪمل ٿي چڪو هو، پوءِ عدالت معاملي کي فارنزڪ ليب تائين ڪيئن پهچايو؟سلمان اڪرم راجا چيو ته پنجاب فارنزڪ ليب جي رپورٽ غير قانوني آهي، پنجاب فارنزڪ ليب ۽ هن جاچ جي عمل کي عدالت ۾ چئلينج ڪيو ويندو.هن چيو ته اسان کي ڳالهين جو ماحول نظر نٿو اچي، جيڪو به اصولن جي ڳالهه ڪرڻ چاهي ٿو اهو اسان سان ڳالهائي، چونڊن کي شفاف بڻائي، عوامي مينڊيٽ جي واپسي ۽ آزاد عدليه جي ڳالهه ڪري.
