راولپنڊي(ويب ڊيسڪ) امن امان جي صورتحال کي نظر ۾ رکندي اڊيالا جيل جي چوڌاري سيڪيورٽي هاءِ الرٽ ڪئي وئي آهي. پوليس ذريعن موجب اڊيالا جيل جي چوڌاري اضافي سيڪيورٽي لاءِ هڪ خاص سيڪيورٽي پلان جاري ڪيو ويو آهي، هي اضافي سيڪيورٽي پلان اڻ اعلانيل مدت تائين لاڳو رهندو، پوليس ذريعن جو چوڻ آهي ته اڊيالا جيل روڊ تي 5 اضافي پڪٽس قائم ڪيون ويون آهن. اضافي اهلڪار دھگل ناڪا، گيٽ 1، گيٽ 5، فيڪٽري ناڪا ۽ گورکپور تي مقرر ڪيا ويندا، پوليس آفيسرن ۽ اهلڪارن جي ڊيوٽي کي 12 ڪلاڪن جي ٻن شفٽن ۾ ورهايو ويو آهي. 12 پوليس اسٽيشنن جا ايس ايڇ او ۽ عورت پوليس اهلڪار پڻ مقرر رهندا،اڊيالا جيل جي ٻاهرين سيڪيورٽي لاءِ ڪل 700 کان وڌيڪ اهلڪار ۽ آفيسر مقرر ڪيا ويندا. سيڪيورٽي اهلڪار فساد مخالف سامان سان ليس هوندا، پوليس ذريعن موجب، اڊيالا گارڊز جي هڪ دستي کي تيار رکيو ويندو، ۽ ڊيوٽي جي نگراني سڌو سنئون ايس پي صدر انعم شير ڪندي.
