پشاور (ويب ڊيسڪ)درياءَ سوات ۾ سياحن جي موت بابت درخواست جي ٻڌڻي دوران، پشاور هاءِ ڪورٽ ڪمشنر مالاڪنڊ ۽ ٻين لاڳاپيل آفيسرن کي طلب ڪيو.چيف جسٽس ايس ايم عتيق شاهه ۽ جسٽس فهيم ولي پشاور هاءِ ڪورٽ ۾ درخواست جي ٻڌڻي ڪئي.پشاور هاءِ ڪورٽ چيو ته ڪمشنر مالاڪنڊ ۽ ٻيا لاڳاپيل آفيسر ذاتي طور تي پيش ٿين.چيف جسٽس پڇيو ته لاپرواهي سبب 17 جانيون ضايع ٿيون، سياحن کي وقت تي ڇو نه بچايو ويو، سياحن کي ڊرون ذريعي حفاظتي جيڪٽون ڇو نه ڏنيون ويون، درياءَ ۽ سياحتي هنڌن جي سار سنڀال جو ذميوار ڪير آهي؟ايڊووڪيٽ جنرل خيبر پختونخوا چيو ته سوات ۾ تجاوزات خلاف آپريشن شروع ڪيو ويو آهي، هڪ ايئر ايمبولينس موجود هئي پر وقت جي کوٽ سبب استعمال نه ٿي سگهي.چيف جسٽس چيو ته لاڳاپيل اختيارين حڪومت پاران جاري ڪيل وارننگ تي عمل ڇو نه ڪيو؟ ايندڙ ٻڌڻي تي سوات واقعي بابت رپورٽ پيش ڪئي وڃي.ايڊووڪيٽ جنرل ڪي پي چيو ته ڪيترن ئي ذميوار ماڻهن کي معطل ڪيو ويو آهي.بعد ۾ عدالت درخواست جي ٻڌڻي سڀاڻي تائين ملتوي ڪري ڇڏي.
