اسلام آباد (بيورو رپورٽ) احتساب عدالت نوري آباد پاور پراجيڪٽ ريفرنس ۾ سنڌ جي وڏي وزير مراد علي شاهه کي بري ڪري ڇڏيو.اسلام آباد جي احتساب عدالت جي جج ناصر جاويد سنڌ جي وڏي وزير ۽ ٻين خلاف نوري آباد پاور پراجيڪٽ ريفرنس جي ٻڌڻي ڪئي، جتي جوابدارن جو وڪيل بئريسٽر قاسم نواز عباسي عدالت ۾ پيش ٿيو.احتساب عدالت نيب چيئرمين جي ريفرنس واپس وٺڻ جي درخواست منظور ڪندي سنڌ جي وڏي وزير کي ريفرنس ۾ بري ڪري ڇڏيو.احتساب عدالت نوري آباد پاور پراجيڪٽ ريفرنس ۾ نامزد ٻين سمورن جوابدارن کي به بري ڪري ڇڏيو.
