پشاور (ويب ڊيسڪ)پشاور هاءِ ڪورٽ گم ٿيل ماڻهن بابت ڪيس ۾ خيبرپختونخواهه جي وڏي وزير علي امين گنڊاپور کي طلب ڪري ورتو آهي.پشاور هاءِ ڪورٽ جي چيف جسٽس اشتياق ابراهيم گم ٿيل ماڻهن بابت ڪيس جي ٻڌڻي دوران خيبرپختونخواهه جي وڏي وزير کي اڄ طلب ڪري ورتو،درخواستگذار جي وڪيل عدالت ۾ دليل ڏيندي چيو ته سي سي ٽي وي وڊيو ۾ صاف نظر اچي رهيو آهي، ضمانت تي آزاد ٿيڻ باوجود جيل جي سامهون کان کنڀيو ويو،پشاور هاءِ ڪورٽ جي چيف جسٽس پنهنجي ريمارڪس ۾ چيو ته وڏو وزير اڄ عدالت ۾ پيش ٿئي.ويٺو آهيان، ان ڪيس ۾ وڏي وزير کان پڇاڻو ڪندس، ڪيس جو اڄ ڪندس،گهڻو ٿي ويو،چيف جسٽس اشتياق ابراهيم جي حڪم تي ايڊووڪيٽ جنرل خيبرپختونخواهه عدالت ۾ پيش ٿيو.خيبرپختونخواهه جي ايڊووڪيٽ جنرل عدالت کي ٻڌايو ته ان ڪيس کي ڏسي رهيا آهيون، وڏو وزير اجلاسن ۾ مصروف آهي.چيف جسٽس اشتياق ابراهيم چيو ته توهان فون ڪري پڇو، جيڪڏهن توهان وٽ وقت آهي ته اڄ پيش ٿي نه ته جمعي تي پيش ٿين، توهان جيل جي دروازي تان ڪنهن کي گرفتار نه ٿا ڪري سگهون، ضمانت باوجود ڪنهن کي ڪيئن گرفتار ڪيو؟ قانون تي سمجهوتو نه ڪنداسين.
