واشنگٽن (ويب ڊيسڪ)ڊاڪٽر عافيه صديقي جي وڪيل ڪلف اسٽيفورڊ سمٿ دعويٰ ڪئي آهي ته ڊاڪٽر عافيه کي جيل ۾ هڪ ڀيرو ٻيهر جنسي زيادتي جو نشانو بڻايو ويو آهي.رياست ٽيڪساس جي فورٽ ورٿ جيل ۾ قيد ڊاڪٽر عافيه بابت وڪيل جو چوڻ هو ته ٻه هفتا اڳ هڪ گارڊ ڊاڪٽر عافيه کي سزا طور ريپ ڪيو هو.ڪلف اسٽافورڊ سمٿ چيو آهي ته ڊاڪٽر عافيه صديقي کي آمريڪا جي فورٽ ورٿ جيل ۾ مسلسل جنسي ڏاڍائي جو نشانو بڻايو پيو وڃي.جيل ۾ ڊاڪٽر عافيه سان ملاقات کانپوءِ جيو نيوز سان فون تي ڳالهائيندي هن انڪشاف ڪيو ته ڊاڪٽر عافيه سان جنسي ڏاڍائي جو سلسلو اڃا بند ناهي ٿيو، کيس جيل ۾ مسلسل جنسي ڏاڍائي جو نشانو بڻايو پيو وڃي .عافيه صديقي جي وڪيل ڪلف اسٽافورڊ چيو ته ڊاڪٽر عافيه جي ملاقات خميس ۽ جمعي تي ٿي، وچ ۾ شيشي جي ڀت هئي، ملاقات دوران اسان فون تي ڳالهايو پر آواز صاف نه هو، اسان رڙيون ڪيون ۽ ڳالهيون ڪيون ڪلو اسٽافورڊ جو چوڻ هو ته هن جيل اختيارين کي فون جي خرابي جي شڪايت ڪئي ۽ ٻن ڏينهن کانپوءِ کيس ٻيو فون ڏنو ويو، جڏهن سندس ڀيڻ فوزيه ڊاڪٽر عافيه سان ملاقات ڪئي ته عافيه روئي رهي هئي.هن چيو ته هو ڊاڪٽر عافيه ڪيس بابت تمام گهڻو پراميد آهي، اڳڀرائي ٿي رهي آهي، هو ڊاڪٽر عافيه جي آزاديءَ بابت تمام گهڻو پراميد آهي، سڀاڻي واشنگٽن ۾ ڪجهه ماڻهن سان ملاقاتون آهن، هو نالا نٿا ٻڌائي سگهن، انهن ماڻهن وائيٽ هائوس کي ٻڌايو. سيريز ۾ ڊاڪٽر عافيه جي آزاديءَ بابت آگاهي ڏيندو.
