ڪراچي(اسٽاف رپورٽر) سينيٽ چيئرمين صادق سنجراڻي چيو آهي ته گذريل حڪومت ۾ اتحادي پارٽين مردم شماري جو نوٽيفڪيشن ڪيو، کين خبر هئي ته تڪ بنديون ٿينديون.سينيٽ چيئرمين صادق سنجراڻي ڪراچي ۾ قائد اعظم جي مزار تي حاضري ڀري ۽ فاتحه خواني ڪئي، ان موقعي تي سينيٽ چيئرمين صادق سنجراڻي کي هٿياربند فوجن جي دستن جي سلامي ڏني، جڏهن ته سينيٽ چيئرمين مزار قائد تي گلن جي چادر چاڙهي ۽ مهمانن جي ڪتاب ۾ پنهنجا تاثرات قلمبند ڪيا.ميڊيا سان ڳالهائيندي صادق سنجراڻي چيو ته بلوچستان جا سينيٽر بلوچستان جو آواز چڱي ريت اٿاري رهيا آهن، بلوچستان جي عوام کي نگران وزيراعظم مان اميد جي هڪ کرن نظر اچي رهي آهي، پر بلوچستان جي ترقي لاءِ تمام گهڻا وسيلا گهربل آهن.هڪ سوال جي جواب ۾ سينيٽ چيئرمين چيو ته گذريل حڪومت ۾ اتحادي پارٽين مردم شماري جو نوٽيفڪيشن ڪيو. انهن سڀني کي خبر هئي ته حلقو به هوندو.سينيٽ چيئرمين چيو ته يقين رکو چونڊون وقت تي ٿينديون ۽ ٿينديون. تڪ بنديون مڪمل ٿيندي ئي اليڪشن ڪميشن چونڊن جي تاريخ ٻڌائيندو.قوم کي مطمئن ڪرڻ گهرجي ته اليڪشن ڪميشن چونڊون وقت تي ڪرائيندي.صدر پاڪستان بابت سوال تي صادق سنجراڻي چيو ته ملڪ جي صدر جو مدو 9 سيپٽمبر تي ختم ٿي رهيو آهي.نئين صدر جي چونڊ ٿيڻ تائين صدر عهدي تي رهندو. نئين صدر جي چونڊ ان وقت ٿيندي جڏهن چئني صوبن ۽ وفاق ۾ اليڪٽريڪل ڪاليج مڪمل ٿي ويندو.
