اسلام آباد(بيورو رپورٽ) سپريم ڪورٽ لاهور هاءِ ڪورٽ کي پرويز الاهي جي درخواستن تي 21 آگسٽ تي فيصلو ڪرڻ جو حڪم ڏئي ڇڏيو.سپريم ڪورٽ ۾ جسٽس اعجاز الاحسن جي سربراهي ۾ 3 رڪني بينچ پنجاب جي اڳوڻي وڏي وزير پرويز الاهي جي ضمانت واري درخواست تي ٻڌڻي ڪئي، جنهن ۾ عدالت لاهور هاءِ ڪورٽ کي پرويز الاهي جي درخواستن تي 21 آگسٽ تي فيصلو ڪرڻ جو حڪم ڏنو.عدالت پنهنجي حڪم ۾ چيو ته جيڪڏهن هاءِ ڪورٽ 21 آگسٽ تي فيصلو نه ڏنو ته گرفتاري جو عبوري حڪم معطل ڪيو ويندو.بعد ۾ عدالت ڪيس جي ٻڌڻي اڻڄاتل مدي تائين ملتوي ڪري ڇڏي.
