راولپنڊي (ويب ڊيسڪ)سيڪيورٽي فورسز انٽيليجنس تي ڪارروائي ڪندي ڏکڻ وزيرستان ۾ 30 خارجي دهشتگردن کي ماري ڇڏيو.پاڪستان فوج جي پبلڪ رليشنز ڊپارٽمينٽ (آءِ ايس پي آر) موجب، سيڪيورٽي فورسز خارجين جي موجودگي بابت معلومات ملڻ کان پوءِ 17 فيبروري 2025 تي ڏکڻ وزيرستان جي سراروغا ضلعي ۾ هڪ آپريشن ڪيو، آءِ ايس پي آر موجب، سيڪيورٽي فورسز دهشتگردن جي ٺڪاڻن کي اثرائتي انداز ۾ نشانو بڻايو، جنهن جي نتيجي ۾ 30 خارجي دهشتگرد مارجي ويا.پاڪستاني فوج جي پبلڪ رليشنز ڊپارٽمينٽ چيو آهي ته علائقي ۾ ڪليئرنس آپريشن جاري آهي، ۽ پاڪستان جون سيڪيورٽي فورسز دهشتگردن خلاف ڪارروائيون جاري رکنديون.وفاقي گهرو وزير محسن نقوي 30 خارجين کي مارڻ تي سيڪيورٽي فورسز کي خراج تحسين پيش ڪندي چيو ته سيڪيورٽي فورسز انٽيليجنس تي ٻڌل ڪامياب آپريشن ڪيو ۽ خارجي دهشتگردن جي ناپاڪ ارادن کي ناڪام بڻايو.
