ڪراچي (اسٽاف رپورٽر) سنڌ اسيمبلي ۾ پي ٽي آءِ ميمبرز لوٽا کڻي پهتا، ميمبرز جو چوڻ آهي ته اسلم ابڙو ۽ شهريار شر لاءِ 2 لوٽاآندا آهن، اپوزيشن ليڊر حليم عادل شيخ کي به جيل مان بڪتر بندگاڏي ذريعي اسيمبلي پهچايو ويو، اسپيڪر آغا سراج دراني جي صدارت هيٺ اجلاس ۾ مختلف معاملن تي بحث ڪيو ويو، ايجنڊا مان سوال گم ڪرڻ خلاف نصرت سحر عباسي احتجاج ڪيو، هن چيو ته رات جيڪا ايجنڊا موڪلي وئي ان ۾ منهنجو سوال شامل هو پر اڄ ايوان ۾ ڏنل ايجنڊا مان گم آهي ، اسپيڪر جواب ڏنو ته ايجنڊا جي ان ڪاپي ۾ غلطيون هيون ان ڪري تبديل ڪيو ويو آهي، توهان ويهي رهو، اسپيڪر نصرت سحر عباسي جي مائيڪ بند ڪرائي ڇڏي. ياد رهي ته گذريل ڏينهن بلاول ڀٽو چيو هو ته سليڪٽڊ حڪومت کي هٽائڻ لاءِ هر هٿيار استعمال ڪنداسين پوءِ ڀلي اهي لوٽا ڇو نه هجن؟
