اسلام آباد (بيورو رپورٽ) ملڪ جي 21 ضلعن جي ماحولياتي نمونن ۾ پوليو وائرس جي تصديق ٿي آهي. پوليو روڪ پروگرام موجب بلوچستان جي 8 ضلعن جي ماحولياتي نمونن ۾ پوليو وائرس جي تصديق ٿي آهي. زوب، نوشڪي، لسٻيلي، حب، خضدار، نصيرآباد ۽ ڊيرا بگٽي جي ماحولياتي نمونن ۾ پوليو وائرس جي تصديق ٿي آهي، انهن ضلعن مان ماحولياتي نمونا 8 کان 23 جنوري دوران حاصل ڪيا ويا هئا.بلوچستان کانسواءِ ملڪ جي 13 ضلعن جي ماحولياتي نمونن ۾ به پوليو وائرس جي تصديق ٿي آهي، جن ۾اسلام آباد، چارسدا، پشاور، صوابي، ٽانڪ، بهاولپور، ڊي جي خان، جهنگ، لاهور، ملتان، رحيم يار خان، ڪراچي ايسٽ ۽ مظفر آباد شامل آهن.
