اسلام آباد (بيورو رپورٽ)وفاقي گهرو وزير راڻا ثناءُ الله چيو آهي ته خيبرپختونخواهه ۾ سفيد ڌاڙيل آهي، جيڪو هڪ ٻن ڏينهن ۾ ختم ٿي ويندو. ميڊيا سان ڳالهائيندي هن چيو ته اسان عمران خان کي اڳ ۾ ئي چئي ڇڏيو هو ته جيڪڏهن ڇڏي وڃي ته اليڪشن ۾ اچي.گهرو وزير راڻا ثناءُ الله چيو آهي ته پي ٽي آءِ جي 10 کان 12 ماڻهن اسان سان رابطو ڪيو هو ته اهي اسيمبلي ٽوڙڻ نٿا چاهين. هن چيو ته گورنر پنجاب بليغ الرحمان آئيني حق استعمال ڪندي اعتماد جو ووٽ گهريو. راڻا ثناءُ الله جو چوڻ آهي ته چونڊون ڀرپور نموني وڙهنداسين، جڏهن چونڊ مهم شروع ٿيندي ته سڀني کي خبر پوندي ته ن ليگ جا ووٽر ۽ حامي ڪيترا سرگرم آهن.وفاقي گهرو وزير راڻا ثناءُ الله به چيو آهي ته عمران خان جا ڪيس عدالتن ۾ آهن، جيڪڏهن عدالتون سندس گرفتاري جو حڪم ڏينديون ته کيس گرفتار ڪيو ويندو.
