واشنگٽن (ويب ڊيسڪ)ايپل آئي فونز لاءِ نئون آپريٽنگ سسٽم iOS 17 متعارف ڪرايو آهي.iOS 17 جو اعلان ڪمپني جي سالياني ڊولپر ڪانفرنس ۾ ڪيو ويو.هي نئون آپريٽنگ سسٽم سيپٽمبر ۾ آئي فون جي مختلف ماڊلز لاءِ دستياب هوندو.هن نئين آپريٽنگ سسٽم تي هلندڙ iPhones FaceTime ڪالن دوران وڊيو وائس ميل موڪلڻ جي قابل هوندا.اهڙي طرح هڪ نئون فيچر Name Drop متعارف ڪرايو پيو وڃي جيڪو صارفين کي 2 ويجهن آئي فونز سان رابطي جي تفصيل شيئر ڪرڻ جي اجازت ڏيندو.iOS 17 سري، ڊجيٽل اسسٽنٽ استعمال ڪرڻ جي عمل کي پڻ آسان بڻائي ٿو.ھاڻي ھاءِ سري چوڻ بدران، ڊجيٽل اسسٽنٽ کي صرف سري چوڻ سان چالو ڪرڻ ممڪن ٿيندو.ڪمپني نئين آپريٽنگ سسٽم ۾ آٽو ڪريڪٽ الگورٿم کي به بهتر ڪري رهي آهي جڏهن ته ڪانٽيڪيٽ پوسٽر نالي هڪ نئون فيچر پڻ متعارف ڪرايو آهي جنهن جي مدد سان توهان پروفائل تصويرن ۽ ٻين شين جي مدد سان ڪانٽيڪيٽ پوسٽر ٺاهي سگهو ٿا.iOS 17 اسٽينڊ بائي موڊ ۽ نئين جرنل ايپ پڻ شامل ڪري رهيو آهي.آئي فون تي تصويرون، ڪئلينڊر، ڪلاڪ ۽ ٻين کي ڏسڻ ممڪن ٿيندو هي نئون آپريٽنگ سسٽم ڊولپرز لاءِ بيٽا ورزن ۾ موجود آهي جڏهن ته عوام کي ان تائين رسائي لاءِ انتظار ڪرڻو پوندو.
