ڪوهلي جي 49 هين سينچري، ٽنڊولڪر جو رڪارڊ برابر

ڪولڪتا(ويب ڊيسڪ) ڀارتي ڪرڪيٽر ويرات ڪوهلي ليجنڊري رانديگر سچن ٽنڊولڪر جو ون ڊي ڪرڪيٽ ۾ سڀ کان وڌيڪ يعني 49 سينچريون ٺاهڻ جو رڪارڊ برابر ڪري ڇڏيو. ويرات ڪوهلي ڪولڪتا ۾ آءِ سي سي ون ڊي ورلڊ ڪپ ۾ ڏکڻ آفريڪا خلاف پنهنجي 35 هين سالگرهه جي موقعي تي شاندار سينچري اسڪور ڪري ٽنڊولڪر جو رڪارڊ برابر ڪيو.


ڪوهلي 49 هين سينچري جو سنگ ميل 289 هين ميچ ۾ عبور ڪيو. جڏهن ته سچن ٽنڊولڪر 49 سينچريون 463 ميچز ۾ ٺاهيون هيون. ٽنڊولڪر 96 ففٽيون به ٺاهيون ۽ هن جون ون ڊي ۾ 18 هزار 426 رنز آهن. جڏهن ته ويرات ڪوهلي هن مهل تائين 13 هزار 600 رنز اسڪور ڪيون آهن، هن جون 71 ففٽيون به آهن.

پهنجو تبصرو موڪليو