اسلام آباد (بيورو رپورٽ)ٽرانسپيرنسي انٽرنيشنل جي ڪرپشن پرسيپشن انڊيڪس تي تازي رپورٽ ۾ پاڪستان جي درجه بندي بهتر ٿي آهي.ٽرانسپيرنسي انٽرنيشنل جي مطابق، پاڪستان ڪرپشن پرسيپشن انڊيڪس ۾ هڪ درجو بهتر ٿي 182 ملڪن مان 136 هين نمبر تي پهچي ويو آهي.رپورٽ ۾ چيو ويو آهي ته سٺي حڪمراني ۽ مسلسل ادارتي سڌارن جي ڪري 2025 ۾ پاڪستان جو مجموعي اسڪور مٿي وڃڻ جو رجحان رهيو.رپورٽ موجب، پاڪستان ۾ نه رڳو سرڪاري شعبي ۽ انتظامي ڪرپشن ۾، پر قانون ساز ادارن ۽ عدليه ۾ ڪرپشن جي اشارن ۾ پڻ اهم بهتري آئي آهي.
