اسلام آباد(بيورو رپورٽ)پاڪستان ۾ آمريڪي سفير ڊونلڊ بلوم چيو آهي ته پاڪستان ۽ آمريڪا جا لاڳاپا سڪيورٽي کان اڳتي نڪري ويا آهن ۽ هاڻي معاشي استحڪام تي ڌيان ڏنو پيو وڃي. هن اها ڳالهه آمريڪا جي هڪ وفد سان ملاقات ۾ چئي، 76 سالن ۾ پاڪستان ۽ آمريڪا جي لاڳاپن جو بنيادي مرڪز سيڪيورٽي رهيو آهي، هن ان موقعي تي چيو ته اهي لاڳاپا هاڻي پاڪستان جي معاشي استحڪام تي مرڪوز آهن. جڏهن پاڪستان ڊفالٽ جي ڪناري تي هو ته ڊونلڊ بلوم پاڪستان جو ڪيس اسٽيٽ ڊپارٽمينٽ آڏو پيش ڪيو ته آءِ ايم ايف پاڪستان جي مدد ڪري.
