ڪراچي(اسٽاف رپورٽر)پاڪستان اسٽاڪ ايڪسچينج ۾ هن ڀيري ختم ٿيندڙ ڪاروباري هفتو هڪ تاريخ ساز هو.پي ايس ايڪس 100 انڊيڪس گذريل هفتي 2023 پوائنٽس وڌيو ۽ واپاري هفتي جي آخر ۾ 59 هزار 86 پوائنٽس تي پهتو.ڪاروباري هفتي دوران 100 انڊيڪس 2763 پوائنٽس جي بينڊ ۾ رهيو.100 انڊيڪس هڪ ڪاروباري هفتي جي اونچائي 59502 ۽ 56738 جي گهٽ سطح تي پهچي ويو.هڪ هفتي دوران 3 ارب 65 ڪروڙ شيئرز جو واپار ٿيو، هڪ هفتي ۾ شيئرز مارڪيٽ ۾ 105 ارب رپين جو واپار ٿيو.هڪ هفتي دوران مارڪيٽ سرمائيداري ۾ 268 ارب رپين جو اضافو ٿيو ۽ ڪاروباري هفتي جي آخر ۾ مارڪيٽ سرمائيداري 8549 ارب رپيا ٿي وئي.
