اسلام آباد(بيورو رپورٽ) ٻٽي شهريت رکندڙ ايف بي آر آفيسرن جا تفصيل طلب ڪيا ويا ۽ هڪ نوٽيفڪيشن پڻ جاري ڪيو ويو،ڊي جيز ۽ چيف ڪمشنرز کي هدايت ڪئي وئي آهي ته ٻٽي شهريت وارن آفيسرن جي تفصيل فراهم ڪن، جن ۾ انهن جا خاندان به شامل آهن.ايف بي آر جي نوٽيفڪيشن ۾ چيو ويو آهي ته ٻٽي شهريت رکندڙ آفيسر جي سروس ۾ شامل ٿيڻ جي تاريخ سان گڏ سڀني آفيسرن جي تفصيل هڪ هفتي اندر جمع ڪرائي وڃي.نوٽيفڪيشن ۾ چيو ويو آهي ته ٻٽي شهريت پيدائش جي ڪري حاصل ڪئي وئي آهي يا بعد ۾ حاصل ڪئي وئي آهي، اهو پڻ ٻڌايو وڃي.ايف بي آر جي نوٽيفڪيشن ۾ اهو به چيو ويو آهي ته جيڪڏهن ٻي شهريت بعد ۾ ملي هئي ته تاريخ به ڏني وڃي.
