لنڊن(ويب ڊيسڪ) اڳوڻي وزيراعظم نواز شريف سان برطانيا ۾ نئين مقرر ٿيل پاڪستاني هاءِ ڪمشنر ڊاڪٽر فيصل ملاقات ڪئي.ڊاڪٽر فيصل ۽ اڳوڻي وزيراعظم وچ ۾ ملاقات سينٽرل لنڊن ۾ حسن نواز جي آفيس ۾ ٿي، جنهن ۾ پاڪستان سميت گڏيل دلچسپي جي معاملن تي خيالن جي ڏي وٺ ڪئي وئي.واضح رهي ته برطانيا ۾ پاڪستان جي نئين هاءِ ڪمشنر ڊاڪٽر محمد فيصل هلندڙ مهيني عهدو سنڀالي ورتو هو، برطانيا پهچڻ تي پرڏيهي سيڪريٽري ڪيٿرائن ڪولون جي نمائندي ڊاڪٽر محمد فيصل سندس آجيان ڪئي.
