اسلام آباد )ويب ڊيسڪ)نگران وفاقي وزير آءِ ٽي ڊاڪٽر عمر سيف چيو آهي ته هو موبائل فون ٺاهڻ واري صنعت جي فروغ لاءِ قدم کڻي رهيا آهن.اسلام آباد ۾ يو ايس ايڊ ۽ سلڪون وادي جي سهڪار سان منعقد ڪيل سيڙپڪاري ڪانفرنس کي خطاب ڪندي هن چيو ته ڊيجيٽلائيزيشن ۽ 2 لک وڌيڪ آئي ٽي پروفيشنلز جي تربيت لاءِ قدم کنيا ويا آهن.عمر سيف چيو ته آءِ ٽي انڊسٽري کي وڌ کان وڌ مراعتون ۽ سهولتون فراهم ڪرڻ جو پيڪيج تيار ڪيو ويو آهي، آمريڪا سميت آءِ ٽي جي شعبي ۾ عالمي سيڙپڪاري لاءِ راهه هموار ٿيندي.هن چيو ته اسان جي ملڪ ۾ تمام گهڻا موقعا آهن ۽ نوجوانن ۾ صلاحيتون آهن، ملڪ ۾ آءِ ٽي جي شعبي ۾ سيڙپڪاري ڪري سگهجي ٿي.نگران وزير وڌيڪ چيو ته ملڪ ۾ سيڙپڪاري لاءِ سازگار ماحول فراهم ڪيو پيو وڃي، فري لانسنگ جي فروغ لاءِ فري لانسرز سان گڏجي ڪم ڪيو پيو وڃي.
