گهوٽڪي (ن سنڌ يار) سنڌ پروفيسرس ليڪچررس ايسوسيئيشن سکر ريجن جي سڏ تي گھوٽڪي ضلعي جي نامور پروفيسرن محمد سانول گھوٽو عبد الغفار ميمڻ ۽ اشفاق احمد مشوري ۽ ٻين جي انتقامي طور ٿيل بدلين خلاف گذريل پندرھن ڏينھن کان گھوٽڪي ضلعي جي سڀني ڪاليجن ۾ احتجاج جاري آھي ان سلسلي ۾ استادن پاران لڳاتار پندرھن ڏينھن کان وٺي ٻانھن تي ڪاريون پٽيون ٻڌي تدريسي عمل جاري رکيو ويو آھي ان سلسلي ۾ سپلا ضلعي گھوٽڪي جي اڳواڻن پروفيسر اختيار احمد ڪلھوڙو پروفيسر عبدالحفيظ دايو، پروفيسر سڪندر علي مھيسر پروفيسر نذير احمد مھر ۽ ٻين پنھنجي پريس بيان ۾ چيو آھي ته اسان جي استادن جون بدليون ضرورت جي بنياد تي نه پر انتقامي طور تي ڪيون ويون آھن جن ۾ ڊائريڪٽوريٽ سکر جو ايڊيشنل ڊائريڪٽر سائين رکيو ۽ ڊي جي ڪاليجز ملوث آھن سندن ھٽائڻ تائين احتجاج جاري رھندو ان حوالي سان سپلا سکر پاران 24 مارچ تي سکر ۾ احتجاجي ريلي ڪڍي پئي وڃي جنھن ۾ گھوٽڪي ضلعي پاران ڀرپور شرڪت ڪرڻ جو اعلان ڪريون ٿا .
