اسلام آباد(بيورو رپورٽ)هن سال سيپٽمبر ۾ پاڪستان 4 ارب 77 ڪروڙ ڊالرن جون شيون ۽ خدمتون درآمد ڪيون.انٽر بئنڪ ذريعن موجب سيپٽمبر ۾ سامان ۽ خدمتن جي پاڪستاني برآمدات 3.4 بلين ڊالر ۽ مزدورن جي ترسيل 2.2 بلين ڊالر تائين پهچي وئي.ذريعن جو چوڻ آهي ته سيپٽمبر ۾ پرڏيهي سيڙپڪاري 173 ملين ڊالر هئي جڏهن ته مهانگائي ۾ واڌ جي شرح 31.4 سيڪڙو ۽ ٽيڪس روينيو 834 ارب رپيا رهيو.انٽر بئنڪ ذريعن موجب سيپٽمبر تائين حڪومت جو قرض 64 هزار ارب رپيا هو جڏهن ته بئنڪن جا ذخيرا 26 هزار 273 ارب رپيا هئا.
