ڪراچي (اسٽاف رپورٽر)ڪراچي ۾ پوليس خواجه اجمير نگري ۾ مقابلي کان پوءِ ڪرولا گينگ جي هڪ ڌاڙيل کي زخمي حالت ۾ هٿيار ۽ ڪار سميت گرفتار ڪيو.پوليس موجب خواجه اجمير نگري ۾ پوليس جو ڪرولا گينگ سان مقابلو ٿيو، ڪار ۾ سوار ٽن ڌاڙيلن جو پوليس سان فائرنگ جو تبادلو ٿيو، فائرنگ جي تبادلي ۾ هڪ ڌاڙيل زخمي ٿي پيو ۽ کيس گرفتار ڪيو ويو، جڏهن ته ٻه ڌاڙيل فرار ٿي ويا.گرفتار ٿيل ڌاڙيل سهيل شڪرا وٽان هڪ ڪلاشنڪوف ۽ هڪ ڪار هٿ ڪئي وئي آهي.
