سڪرنڊ (ن س)سڪرنڊ ٿاڻي ۾ مبينا طور پوليس تشدد سبب فوت ٿيل نواز زرداري جي شروعاتي پوسٽ مارٽم رپورٽ ۾ تشدد جي تصديق ٿي وئي آهي، ايم ايل او ڊاڪٽر مظهر زرداري شروعاتي پوسٽ مارٽم رپورٽ جاري ڪري ڇڏي،جنهن ۾ چيو ويو آهي ته نواز زرداري کي جسم جي مختلف حصن تي ڇري سان ضربون آهن، نواز زرداري جي جسم جا مختلف عضوا روهڙي ليبارٽري ڏانهن موڪليا ويا آهن، جڏهن ته موت جو سبب آخري رپورٽ اچڻ کان پوءِ ئي معلوم ٿيندو. نواز زرداري ٻه ڏينهن اڳ سڪرنڊ پوليس جي حراست ۾ تشدد سبب فوت ٿي ويو، نواز زرداري جي موت جي حوالي سان ڪيس داخل ڪيو ويو آهي ۽ اسڪرنڊ پوليس اسٽيشن جي ايس ايڇ او، هيڊ محرر ۽ هڪ پوليس آفيسر کي گرفتار ڪيو ويو آهي، آءِ جي سنڌ جي حڪم تي ڊي ايس پي اسڪرند يار محمد ڦلپوٽو کي معطل ڪرڻ جو نوٽيفڪيشن پڻ جاري ڪيو ويو آهي.انهي مامري تي ايس ايس پي کي پڻ هٽايو ويو
