ڪراچي(اسٽاف رپورٽر) پاڪستان پيپلز پارٽي سنڌ جي صدر ۽ سينيئر سياستدان نثار کهڙي چيو آهي ته قادر مگسي جي قومي ڪانفرنس جو بائيڪاٽ ڪندڙ جماعتون سنڌ جي مسئلن بابت سنجيده ناهن.ڪراچي ۾ پريس ڪانفرنس ڪندي نثار کهڙي چيو ته مولانا فضل الرحمان هڪ تجربيڪار سياسي اڳواڻ آهي، جنهن ڪڏهن به دهشتگردن جي حمايت ناهي ڪئي. هن چيو ته ملڪ ۾ ماضيءَ ۾ به گورنر راڄ لاڳو ٿيندا رهيا آهن، جڏهن ته آئين ۾ لکيل آهي ته صورتحال خراب ٿيڻ جي صورت ۾ اهڙا قدم کنيا وڃي سگهن ٿا. ان موقعي تي اڳوڻي ڪرڪيٽر سليم يوسف جي نياڻي ايمن سليم به پاڪستان پيپلز پارٽي ۾ شموليت جو اعلان ڪيو.
