امن، خوشحالي ۽ پائيدار ترقي لاءِ فوج جو غيرمتزلزل عزم برقرار آهي

امن، خوشحالي ۽ پائيدار ترقي لاءِ فوج جو غيرمتزلزل عزم برقرار آهي

راولپنڊي)ويب ڊيسڪ) فيلڊ مارشل سيد عاصم منير تربت جو دورو ڪيو، جتي هن شهيدن جي يادگار تي حاضري ڀري، گلن جي چادر چاڙهي ۽ فاتحه خواني ڪئي. آءِ ايس پي آر موجب فيلڊ مارشل کي آپريشنل تيارين ۽ ٻاهرين سرپرستيءَ هيٺ ٿيندڙ دهشتگرديءَ خلاف جاري ڪاررواين بابت بريفنگ ڏني وئي. سيد عاصم منير کي بلوچستان ۾ جاري سماجي ۽ معاشي ترقياتي منصوبن تي اڳڀرائيءَ کان به آگاهه ڪيو ويو. فيلڊ مارشل ڏکين آپريشنل حالتن ۾ جوانن جي پيشوراڻي صلاحيتن ۽ بلند حوصلن کي ساراهيو. فيلڊ مارشل چيو ته پاڪ فوج جي جوانن جو وطن جي دفاع لاءِ غيرمتزلزل عزم ساراهه جوڳو آهي، پاڪ فوج بلوچستان جي عوام سان ڪلهو ڪلهي ۾ ملائي بيٺل آهي. هن وڌيڪ چيو ته بلوچستان ۾ امن، خوشحالي ۽ پائيدار ترقي لاءِ پاڪ فوج جو غيرمتزلزل عزم برقرار رهندو.

پهنجو تبصرو موڪليو