اسلام آباد (بيورو رپورٽ)پشاور ۾ کاڄرو شين جا اگهه وڌي ويا ، هڪ مقامي دڪاندار موجب چانورن جو اگهه 360 رپين مان وڌي 380 رپيا في ڪلوگرام ٿي ويو ۽ ڳاڙهي دال (مسور جي دال) جو اگهه 240 رپين مان وڌي 260 رپيا في ڪلوگرام ٿي ويو.دڪاندار ٻڌايو ته لوبيا جو اگهه 460 رپين مان وڌي 500 رپيا في ڪلوگرام ٿي ويو، ۽ اٽي جي 20 ڪلوگرام واري ٿيلهي جو اگهه 2800 رپين مان وڌي 3300 رپيا ٿي ويو، جڏهن ته کنڊ جو اگهه 140 رپين مان وڌي 150 رپيا في ڪلوگرام ٿي ويو.دڪاندار موجب، ٽماٽن جو اگهه 200 رپين مان وڌي 250 رپيا في ڪلوگرام ٿي ويو ۽ آلو 80 رپين مان وڌي 100 رپيا في ڪلوگرام ٿي ويا؛ ساڳئي وقت، ڪيلن جي قيمت ۾ 50 رپين جو اضافو ٿيو ۽ اهي 200 رپيا في درجن تائين پهچي ويا.صوف جي قيمت ۾ 50 رپين جو اضافو ٿيو ۽ اهي 400 رپيا في ڪلوگرام ٿي ويا، ۽ انگورن جي قيمت 100 رپيا وڌي 600 رپيا في ڪلوگرام ٿي وئي.دڪاندار ٻڌايو ته آڙو جو اگهه 300 رپين مان وڌي 400 رپيا في ڪلوگرام ٿي ويو.
