ڪراچي(اسٽاف رپورٽر) ناڻي واري وفاقي وزير محمد اورنگزيب چيو آهي ته ملڪ ۾ تيز رفتار معاشي ترقي جو عمل جاري آهي، جڏهن ته پرڏيهي سيڙپڪارن کي هر ممڪن سهولت فراهم ڪئي پئي وڃي.هن چيو ته معيشت ۾ خانگي شعبي جو ڪردار انتهائي اهم آهي، جڏهن ته پاڪستان اسٽاڪ ايڪسچينج تاريخي بلندين تي پهچي وئي آهي. محمد اورنگزيب موجب وچ اوڀر ۾ جاري تڪرار سبب دنيا جون معيشتون متاثر ٿي رهيون آهن، جڏهن ته موسمياتي تبديلي ۽ وڌندڙ آبادي پاڪستان لاءِ ٻه وڏا چئلينجز آهن.
