اسلام آباد (ويب ڊيسڪ) بجلي جي صارفين لاءِ خراب خبر، آگسٽ جي فيول ايڊجسٽمينٽ جي مد ۾ بجلي جي في يونٽ قيمت ۾ هڪ رپيو 11 پيسا واڌ ڪئي وئي آهي.نيپرا پاران بجلي مهانگي ڪرڻ جو نوٽيفڪيشن جاري ڪيو ويو آهي، جنهن تحت قيمتن ۾ واڌ جو اطلاق ڪي اليڪٽرڪ سميت سڄي ملڪ جي بجلي صارفين تي ٿيندو. بجلي جي قيمت ۾ ڪيل واڌ جي رقم ڪراچي سميت ملڪ جي سمورن صارفين کان آڪٽوبر جي بجلي جي بلن ۾ وصول ڪئي ويندي. آگسٽ جي فيول ايڊجسٽمينٽ تحت بجلي صارفين تي مجموعي طور 19 ارب رپين جو اضافي بار منتقل ٿيندو. نيپرا موجب لائف لائن ڪيٽيگري ۾ شامل بجلي صارفين تي في يونٽ هڪ رپيو 11 پيسا واڌ لاڳو نه ٿيندي.
