اسلام آباد(بيورو رپورٽ) نيشنل اليڪٽرڪ پاور ريگيوليٽري اٿارٽي (نيپرا) مهانگائي جي ڪري عوام تي بجلي جو بم ڪيرائي بجلي جي قيمت ۾ اضافو ڪري ڇڏيو آهي.وفاقي حڪومت جي منظوري کان پوءِ نيپرا هڪ هفتي ۾ ٻيو ڀيرو بجلي جي قيمت ۾ واڌ جو نوٽيفڪيشن جاري ڪيو آهي.نيپرا پاران جاري ڪيل نوٽيفڪيشن موجب ٽه ماهي ايڊجسٽمينٽ تحت بجلي ۾ 52 پئسا في يونٽ واڌ ڪئي وئي آهي.نوٽيفڪيشن موجب هلندڙ سال جي ٻئي ٽه ماهي ايڊجسٽمينٽ تحت بجلي ۾ واڌ ڪئي وئي آهي.نوٽيفڪيشن موجب بجلي جي صارفين تي 12.67 ارب رپين جو اضافي بار پوندو. بجلي جي صارفين کان سيپٽمبر، آڪٽوبر ۽ نومبر جي بلن ۾ واڌ وصول ڪئي ويندي.نيپرا پاران جاري ڪيل نوٽيفڪيشن موجب، صارفين کان 3 مهينن لاءِ هر مهيني 52 پئسا في يونٽ واڌ وصول ڪئي ويندي. اهو اضافو ملڪ جي صارفين تي لاڳو ٿيندو، جنهن ۾ بجلي جا صارف به شامل آهن.ياد رهي ته هڪ هفتي ۾ هي ٻيو ڀيرو آهي جڏهن بجلي جي قيمتن ۾ واڌ ڪئي وئي آهي.4 سيپٽمبر تي، نيپرا بجلي جي قيمتن ۾ 2.6 رپيا في يونٽ واڌ لاءِ ماهوار ترتيب جو اعلان ڪيو.
