تڪراري فلم “دي ليجنڊ مولا جٽ” جي رليز جو رستو کلي ويو

لاهور (ويب ڊيسڪ) تڪراري فلم “دي ليجنڊ مولا جٽ” بابت ڌرين ۾ سمجهوتو ٿي ويو آهي هنن هڪٻئي خلاف ڪيس عدالتن مان واپس وٺڻ جو فيصلو ڪيو آهي. جنهن بعد ڪجهه سالن کي فلم جي روڪيل رليز جو رستوکلي ويو آهي ۽ هلندڙ سال قرباني واري عيد سميت ڪنهن به موقعي تي فلم رليز ڪئي ويندي. بلال لاشاري جي هدايتڪاري ۾ ٺهيل فلم دي ليجنڊ مولا جٽ جو 2018 ۾ جڏهن ٽريلر جاري ٿيو هو ته ڪافي مقبول ٿيو هو. مولا جٽ نالي فلم 1979 ۾ پروڊيوسر سرور ڀٽي ٺهرائي هئي جنهن ۾ سلطان راهي ۽ مصطفيٰ قريشي کي ڪاسٽ ڪيو ويو هو. جنهن بعد دي ليجنڊ مولا جٽ ۾ حمزو علي عباسي، فواد خان، حميمه ملڪ ۽ ماهره خان کي ڪاسٽ ڪيو ويو آهي. سرور ڀٽي اعتراض ڪيو هو ته نالو، ڪهاڻي، ڊائلاگ، اداڪارن جا فرضي نالا وغيره سندس فلم مان کنيا ويا آهن. لاهور هاءِ ڪورٽ م ڪيس ٻن سالن کان التويٰ جو شڪار هو جنهن بعد فلم سينسر بورڊ ۾ به شڪايتون داخل ٿيون هيون. جنهن سبب فلم جي رليز رولڙي جو شڪار هئي. هاڻي ڌرين ۾ معاملا طئي ٿيڻ بعد ٻنهي هڪٻئي خلاف ڪيس واپس وٺن جو فيصلو ڪيو آهي.

پهنجو تبصرو موڪليو