ڪراچي (اسٽاف رپورٽر) پاڪستان تحريڪ انصاف (پي ٽي آءِ) سنڌ جي صدر حليم عادل شيخ پنهنجي بيان ۾ چيو آهي ته عمران خان کي شڪست ڏيڻ جي ڪوششن ۾ سمورو نظام ناڪام ٿي ويو آهي. پنهنجي بيان ۾ هن چيو ته پورو نظام عمران خان خلاف گڏجي ڪم ڪري رهيو آهي، پر عوام عمران خان سان گڏ آهي ڇاڪاڻ ته هو سچو عاشق رسول ﷺ آهي. عوام جو الله تي پورو ڀروسو آهي ۽ کين يقين آهي ته هميشه حق ۽ سچ جي فتح ٿيندي.حليم عادل شيخ وڌيڪ چيو ته عمران خان قوم ۽ ملڪ جي حقن جي حفاظت لاءِ ظالم نظام سان وڙهي رهيو آهي. هن چيو،نه ڪو ڊيل ٿيندو ۽ نه ڪا رعايت ورتي ويندي، اسان عوام جي طاقت سان هن سسٽم جو مقابلو ڪنداسين. فسطائي حڪومت جي چرچ تي ڏنل سزا عمران خان کي نه جهڪائي سگهندي. قوم عمران خان سان ڪلهو ڪلهي سان ملائي مضبوط بيٺل آهي.هن وڌيڪ روشني وجهندي چيو ته عمران خان القادر يونيورسٽي قرآن ۽ سنت جي تعليم عام ڪرڻ لاءِ قائم ڪئي. القادر ٽرسٽ ڪيس جي سزا تي تنقيد ڪندي هن چيو ته ان فيصلي ملڪ جي نظام جو عالمي سطح تي مذاق بڻائي ڇڏيو آهي.حليم عادل شيخ اعلان ڪيو ته 8 فيبروري کي “ڪارو ڏينهن” طور ملهايو ويندو. هن چيو، 8 فيبروري تي عوامي مينڊيٽ تي ڌاڙو هنيو ويو، فارم 47 تي جعلسازي ذريعي نتيجا تبديل ڪيا ويا. جيڪڏهن عوام جي مينڊيٽ جي عزت نه ڪئي وئي ته حالتون وڌيڪ خراب ٿينديون. جمهوريت عوام جي طاقت سان ٺهندي آهي، ووٽ چوري سان نه. چوري ٿيل ووٽن سان ٺهيل حڪومتون غيرقانوني آهن ۽ انهن حڪومتن جا سڀ فيصلا واپس ورتا ويندا.هن آخر ۾ چيو ته عمران خان جي آزادي کانسواءِ ملڪ ۾ سياسي استحڪام ممڪن ناهي.
