اسلام آباد(بيورو رپورٽ) اسلام آباد پوليس جو ڏوهاري عنصرن خلاف ڪريڪ ڊائون جاري آهي، ٻن هفتن دوران مختلف ڪاررواين ۾ 498 جوابدارن کي گرفتار ڪيو ويو آهي.پوليس ترجمان موجب منشيات فروشن خلاف ڪاررواين دوران 73 جوابدار گرفتار ڪيا ويا، جڏهن ته غيرقانوني هٿيار رکڻ ۽ هٿيارن جي نمائش ۾ ملوث 111 جوابدارن کي پڻ گرفتار ڪيو ويو. پوليس موجب گرفتار جوابدارن وٽان 3 ڪلاشنڪوف، 4 رائفلون، 11 خنجر ۽ مختلف بور جا 94 پسٽل هٿ ڪيا ويا. پوليس ترجمان وڌيڪ ٻڌايو ته ڪريڪ ڊائون دوران ٻن هفتن ۾ 314 اشتهاري جوابدارن کي پڻ گرفتار ڪيو ويو.
