اسلام آباد (بيورو رپورٽ): فيڊرل بورڊ آف روينيو (FBR) ساليانو 20 ڪروڙ روپين تائين جو ڪاروبار ڪندڙ ننڍن ۽ وچين درجي جي دڪاندارن لاءِ نئين خصوصي ٽيڪس اسڪيم لاڳو ڪري ڇڏي آهي. ايف بي آر پاران جاري ڪيل سرڪاري نوٽيفڪيشن موجب، ٽيڪس سال 2026 لاءِ اهل دڪاندارن کي پنهنجي گڏيل سالياني ڪاروباري حجم تي رڳو 1 سيڪڙو ٽيڪس ادا ڪرڻو پوندو. نوٽيفڪيشن ۾ واضح ڪيو ويو آهي ته جيڪي دڪاندار مقرر ڪيل تاريخ تائين پنهنجا ٽيڪس ريٽرن جمع نه ڪرائيندا يا هن خصوصي اسڪيم جو حصو نه بڻجندا، تن تي قانوني ڪارروائي ڪندي 10 هزار کان وٺي 50 هزار روپين تائين جو سخت ڏنڊ (جرمانو) هنيو ويندو. حڪومت کي اميد آهي ته ان سان ٽيڪس نيٽ ۾ واڌ ٿيندي.
