ڪراچي (اسٽاف رپورٽر)ڪراچي اوڀر جي علائقي گلشن اقبال ۾ واقع فليٽ ۾ باهه لڳڻ سبب 5 ڄڻا سڙي فوت ٿي ويا.فائر برگيڊ سينٽر موجب گلشن اقبال بلاڪ 11 ۾ يونيورسٽي روڊ تي سفاري پارڪ جي ڀرسان رهائشي عمارت نعمان ٽيرس فيز 1 جي ٽئين ماڙ تي واقع هڪ فليٽ ۾ صبح جو سوير باهه لڳي وئي.علائقي واسين جو چوڻ آهي ته رهواسين پنهنجي مدد پاڻ تحت باهه وسائڻ جي ڀرپور ڪوشش ڪئي.فائر برگيڊ عملدارن موجب واقعي جو اطلاع ملندي ئي فائر برگيڊ عملو ۽ فائر برگيڊ عملو فوري طور تي صبح 6 وڳي روانو ڪيو ويو.گلستان جوهر ٿاڻي جي ايس ايڇ او صفدر مشواڻي موجب علائقي واسين فائر برگيڊ عملي جي مدد سان باهه تي ضابطو آندو.ايڌي فائونڊيشن جي ترجمان موجب فوتين ۾ 50 ورهين جو طاهر پٽ رحمت الله، 25 ورهين جو انڪشا طاهر، 22 ورهين جو طلحه طاهر، 21 ورهين جو حمزه طاهر ۽ 30 ورهين جو مصباح سبحان باهه جي نتيجي ۾ سڙي ويلن ۾ شامل آهن. زخمين کي ايڌي ايمبولينس ذريعي سول اسپتال برنس سينٽر منتقل ڪيو ويو.ايس ايڇ او صفدر مشواڻي موجب باهه لڳڻ جو فوري سبب شارٽ سرڪٽ ٻڌايو پيو وڃي پر واقعي جي جاچ ڪئي پئي وڃي.
