ڪوئيٽا (ويب ڊيسڪ)ڪوئيٽا ۾ ڊبل روڊ تي پوليس موبائل ويجهو بم ڌماڪي ۾ 2 ماڻهو مارجي ويا ۽ چار پوليس آفيسرن سميت 21 ماڻهو زخمي ٿي پيا. ڊبل روڊ ڌماڪي ۾ مارجي ويلن جا لاش سول اسپتال منتقل ڪيا ويا آهن،سول اسپتال جي ترجمان چيو ته ڪوئيٽا جي ڊبل روڊ تي بم ڌماڪي ۾ ٻه ماڻهو مارجي ويا ۽ 21 زخمي ٿيا آهن. زخمين کي سول اسپتال جي ٽراما سينٽر منتقل ڪيو ويو آهي، ٽراما سينٽر انتظاميا جو چوڻ آهي ته ڌماڪي ۾ زخمي ٿيل 17 ماڻهن کي ٽراما سينٽر منتقل ڪيو ويو آهي، جن ۾ ٻه ٻار به شامل آهن.پوليس سرجن ڊاڪٽر عائشه فيض ڌماڪي ۾ ٽي ماڻهو مارجي ويا ۽ 21 زخمي ٿيڻ جي تصديق ڪئي، هن وڌيڪ چيو ته زخمين مان ٽن جي حالت نازڪ آهي.مقامي رهواسين جو چوڻ آهي ته ڌماڪي جو آواز ڏورانهن علائقن تائين ٻڌو ويو، جڏهن ته قانون لاڳو ڪندڙ ادارن جاچ شروع ڪري ڇڏي آهي.ريسڪيو اختيارين جو چوڻ آهي ته بم ڌماڪي ۾ پوليس جي موبائل فون ۽ گاڏي کي سخت نقصان پهتو، جڏهن ته هڪ موٽرسائيڪل کي باهه لڳي وئي.بلوچستان حڪومت بم ڌماڪي جي سخت مذمت ڪئي آهي. بلوچستان حڪومت جي ترجمان شاهد رند موجب زخمين کي فوري طور تي اسپتال منتقل ڪيو ويو آهي. اڃا تائين ڪنهن به جاني نقصان جي اطلاع ناهي ملي. شاهد رند چيو ته دهشتگردن جي ناپاڪ ارادن کي ناڪام بڻايو ويندو ۽ واقعي ۾ ملوث عنصرن کي انصاف جي ڪٽهڙي ۾ آندو ويندو.
