ڪينڊي(ويب ڊيسڪ)ٽي ٽوئنٽي ورلڊ ڪپ جو 32هون ميچ، جيڪو زمبابوي ۽ آئرلينڊ وچ ۾ شيڊيول هو، برسات سبب رد ٿي ويو، جنهن ڪري زمبابوي هڪ پوائنٽ حاصل ڪري سپر 8 مرحلي ۾ پهچي ويو، جڏهن ته آسٽريليا ورلڊ ڪپ جي ڊوڙ کان ٻاهر ٿي ويو. ٽي ٽوئنٽي جي 10 هين ايڊيشن ۾ هي ٻيو ڀيرو آهي جو آسٽريليا پهرين مرحلي ۾ ئي آئوٽ ٿي ويو آهي. پهريون ڀيرو رڪي پونٽنگ جي قيادت ۾2009 ۾ به هو گروپجمان ڪواليفاءِ نه ڪري سگهيو هو.
زمبابوي ۽ آئرلينڊ جو ميچ پاليڪيلي ۾ کيڏڻو هو، پر برسات سبب ميچ منسوخ ڪيو ويو ۽ ٻنهي ٽيمن کي هڪ هڪ پوائنٽ ڏنو ويو.
زمبابوي کي سپر 8 مرحلي ۾ پهچڻ لاءِ رڳو هڪ پوائنٽ جي ضرورت هئي ۽ هاڻي گروپ بي ۾ ٽن ميچن کان پوءِ ان جا 5 پوائنٽ ٿي ويا آهن.
گروپ بي ۾ آسٽريليا ٽيم ٽن ميچن مان ٻن شڪستن کان پوءِ صرف 2 پوائنٽ حاصل ڪري سگهي، جنهن ڪري ڪينگروز ورلڊ ڪپ جي ڊوڙ کان ٻاهر ٿي ويا، ڇو ته سري لنڪا اڳ ئي گروپ بي مان سپر 8 ۾ پهچي چڪو آهي.
سريلنڪا گذريل ڏينهن آسٽريليا کي 8 وڪيٽن تان شڪست ڏني هئي ۽ ٽن ميچن کان پوءِ ان جا 6 پوائنٽ آهن.
ان کان اڳ زمبابوي وڏو اپ سيٽ ڪندي آسٽريليا کي 23 رنز تان شڪست ڏني هئي. اهو پهريون ڀيرو آهي ته زمبابوي سپر ايٽ لاءِ ڪواليفاءِ ڪيو آهي ۽ آسٽريليا جهڙي ٽيم پهرين مرحلي ۾ آئوٽ ٿي وئي آهي. جيڪو ٽي ٽوئنٽي ورلڊ ڪپ جو وڏو اپ سيٽ آهي.
