لاهور(ويب ڊيسڪ)قومي ٽيسٽ ٽيم جي رانديگر عابد علي پنهنجي مستقبل جو ٽارگيٽ ٻڌائي ڇڏيو. پاڪستان ڪرڪيٽ بورڊ (پي سي بي) پنهنجي آفيشل اڪائونٽ تي هڪ وڊيو شيئر ڪئي آهي، جنهن ۾ عابد علي چيو آهي ته هن وقت منهنجو ٽارگيٽ هڪ ڀيرو ٻيهر پاڪستان جي نمائندگي ڪرڻ آهي. هن چيو ته هو مڪمل ريهيب کانپوءِ ٽريننگ ڪري رهيو آهي، جڏهن سندس نالو ڪنڊيشننگ ڪيمپ ۾ آيو ته هو ڏاڍو پرجوش هو، دل جي سرجري کانپوءِ تربيت لاءِ سمورين هدايتن تي عمل ڪيو.
