ڪراچي (اسٽاف رپورٽر) سربراهه ايم ڪيو ايم پاڪستان ۽ رڪن قومي اسيمبلي ڊاڪٽر خالد مقبول صديقي ۽ سنڌ جي گورنر ڪامران خان ٽيسوري ايڊمنسٽريٽر ڪراچي ڊاڪٽر سيف الرحمان، ايڊمنسٽريٽر ڊي ايم سي ايسٽ سيد شڪيل احمد ۽ ٻين سان ملاقات ڪئي. ايڪسپو سينٽر ۽ سوڪ سينٽر جي سنگم تي قائداعظم يادگار ۽ پارڪ جو افتتاح ڪيو ويو آهي.ان موقعي تي ميڊيا جي نمائندن سان ڳالهائيندي ڊاڪٽر خالد مقبول صديقي چيو ته ڪراچي هاڻي ڳاڙهو يا سائو نه پر سرسبز ۽ روشن ٿيندو، ايڊمنسٽريٽر ڪراچي،ڏاڪٽرسيف الرحمن، ايڊمنسٽريٽر ڊي ايم سي ايسٽ سيد شڪيل احمد ۽ ٻيا ڪراچي جي بهتري لاءِ ڪم ڪري رهيا آهن. ھن جو ثبوت هي يادگار ۽ پارڪ آهي حق پرست ميونسپل آفيسرن جي اچڻ کان پوءِ ڪراچي کي سرسبز۽ شاداب شهر بنائڻ لاءِ شهر ۾ وڏي تبديلي آئي آهي، جيڪا بهتر ٿيندي.ان موقعي تي گورنر سنڌ ڪامران خان ٽيسوري چيو ته هو ڪراچي جي رونق کي بحال ڪرڻ لاءِ شهر ۾ سموريون سرگرميون ڪنداسين.جيڪو ڪم 12 سالن ۾ نه ٿيو هو سو هاڻي ٿيندو، ايڪسپو سينٽر ۽ سوڪ سينٽر جي سنگم تي قائم قائداعظم يادگار نه رڳو هيٺان پر حسن اسڪوائر پل کان به پرڪشش نظر اچي رهيو آهي، جنهن جو ڪريڊٽ ايڊمنسٽريٽر ڊي ايم سي ايسٽ سيد شڪيل احمد کي وڃي ٿو. ڪراچي کي مختلف مافيائن جي ڪري نقصان پهچايو ويو انهن سان سختي سان ڪارروائي ڪئي ويندي، گورنر سنڌ ڪراچي جي محرومين کي دور ڪرڻ لاءِ پنهنجو ڪردار ادا ڪندو.گورنر سنڌ چيو ته هو 100 ڏينهن ۾ جيڪو مشاهدو ڪيو آهي ان مطابق ڪم ڪندو، هن ڪراچي جي ايڊمنسٽريٽر کي چيو آهي ته ڪراچي ۾ ڪلين اينڊ گرين ڪلچر سميت ٻين بنيادي مسئلن جي حل لاءِ ڪم ڪيو وڃي.ان موقعي تي ايڊمنسٽريٽر ڊي ايم سي ايسٽ سيد شڪيل احمد چيو ته جڏهن کان چارج سنڀالي آهي، اوڀر ضلعي جي بهتري لاءِ ڪم مڪمل ڪرڻ جي ڪوشش ڪري رهيو آهي، هو اوڀر ضلعي جي علائقن ۽ روڊن کي بهتر بڻائڻ جي ڪوشش ڪري رهيو آهي، جنهن مان هڪ هي يادگار ۽ پارڪ آهي.ميمبر قومي اسيمبلي ڪشور زهرا، ميمبر صوبائي اسيمبلي غلام جيلاني، فوڪل پرسن امتياز ڀٽو، سپرنٽينڊنگ انجنيئر مبين شيخ، سلمان ميمڻ، ڊائريڪٽرز توقير عباس، الاهي بخش، ڄام رضوان، خورشيد علي، زاهد بن خليل، محمد اڪرم خان، شباهت حسين، ارشاد علي، ڊيبريز ريموول انچارج رائو شمشاد ۽ ٻيا آفيسر وڏي انگ ۾ موجود هئا.
