ڪراچي (ويب ڊيسڪ) سنڌ حڪومت امريڪي صحافي ڊينئل پرل قتل ڪيس ۾ جوابدارن جِي بريت بابت عدالتي فيصلي خلاف نظرثاني درخواست داخل ڪري ڇڏي آهي. اطلاعات واري وزير سيد ناصر شاهه جو چوڻ آهي ته جوابدارن قتل جو اقرار ڪيو هو. اپيل ۾ استدعا ڪئي وئي آهي ته سپريم ڪورٽ پنهنجي 28 جنوري واري فيصلي تي نظر ثاني ڪري. ياد رهي ته جسٽس مسير عالم جي سربراهي ۾ 3 رڪني بينچ عمر شيخ ۽ ٻين جوابدارن کي آزاد ڪرڻ جو حڪم ڏنو هو. امريڪي صحافي کي 2002 ۾ اغوا بعد ضبح ڪيو ويو هو، ٽرائل ڪورٽ عمر شيخ کي موت ۽ سندس 3 ٻين ساٿين کي عمر قيد جي سزا ٻڌائي هئي. سنڌ هاءِ ڪورٽ عمر شيخ جي سزا موت کي عمر قيد ۾ تبديل ڪندي باقي جوابدارن کي آزاد ڪرڻ جو حڪم ڏنو هو، جنهن خلاف سپريم ڪورٽ ۾ اپيل ڪئي وئي هئي.
