نوشهرا (ويب ڊيسڪ) تحريڪ انصاف پارليامينٽيرينز جي سربراهه پرويز خٽڪ چيو آهي ته پي ٽي آءِ جي جعلي انٽرا پارٽي چونڊن بابت سپريم ڪورٽ جو اهو ئي فيصلو اچڻو هو.نوشهرا ۾ گفتگو ڪندي پرويز خٽڪ چيو ته تحريڪ انصاف ۾ 2010 ۽ 2011 کانپوءِ ڪي چونڊون درست نه ٿيون، پارٽي ۾ اليڪشن بجاءِ سليڪشن ٿي. هن چيو ته هڪ پارٽي پنهنجي اندر جمهوريت پيدا نه ڪري سگهي ته ان مان جمهوريت جي ڪهڙي اميد هوندي، اليڪشن ۾ پي ٽي آءِ جي سڀني اميدوارن جي حيثيت آزاد اميدوارن جي آهي، ايندڙ 5 سالن ۾ تحريڪ انصاف مڪمل طور تي ختم ٿي ويندي. سندس چوڻ هو ته اسان جي پارٽي نئين آهي، سڄي صوبي ۾ چونڊ مهم هلائي رهيا آهيون، سڄي صوبي ۾ تقريبن 70 تڪن تان اميدوارن کي بيهاري رهيا آهيون.
