اسلام آباد(بيورو) پي ٽي آءِ لانگ مارچ لاءِ سُپريم ڪورٽ ۾ درخواست داخل ڪري ڇڏي آھي، وفاق ۽ پنجاب کي احتجاج جي اجازت ڏيڻ جو حڪم ڏيڻ جي استدعا ڪئي وئي آھي پي ٽي آءِ پاران درخواست ۾ استدعا ڪئي وئي آهي ته حڪومت کي رنڊڪون وجهڻ، تشدد ۽ گرفتارين کان روڪيو وڃي، پُرامن احتجاج هر شهري جو آئيني ۽ جمهوري حق آهي ان سلسلي ۾ پي ٽي آءِ اڳواڻ اسد عمر چيو آهي ته امپورٽيڊ حڪومت وفاق ۽ صوبن ۾ وڇوٽيون پيدا ڪرڻ گهري ٿي، ڪهڙو قانون پُرامن احتجاج کان روڪي ٿو؟ سُپريم ڪورٽ ۾ اڳواٽ اجازت لاءِ درخواست داخل ڪئي آهي، درخواست ۾ بنيادي حقن جا سوال اُٿاريا آهن
