پشاور (ويب ڊيسڪ)خيبرپختونخواهه جي گورنر فيصل ڪريم ڪنڊي چيو آهي ته ماضي ۾ به شر پسند پارٽين تي پابندي لڳائي وئي آهي.نجي ٽي وي سان ڳالهائيندي هن چيو ته پارليامينٽ سمجهي ٿي ته پي ٽي آءِ تي پابندي لڳائي وڃي ته پوءِ پابندي لڳائي ويندي.فيصل ڪريم ڪنڊي جو چوڻ آهي ته بلوچستان وانگر باقي اسيمبليون به شايد پي ٽي آءِ تي پابندي جو ٺهراءُ پاس ڪنديون.گورنر خيبرپختونخواه وڌيڪ چيو ته پي ٽي آءِ قيادت ڪارڪنن کي ڇڏي ميدان مان ڀڄي وئي، غريب ڪارڪنن کي پڪڙيو ويو، ڪهڙي اڳواڻ کي گرفتار ڪيو ويو؟ هن جو اهو به چوڻ آهي ته وفاقي حڪومت ٻڌائي ته ڪيئن وڏو وزير علي امين ٽيون ڀيرو هڪ ئي رستي کان فرار ٿي ويو. اهي رڳو هٿ لڳائي اسلام آباد مان موٽن ٿا.
