عمرڪوٽ (الله بخش آريسر) پاڪستان پيپلزپارٽي جو سينئر اڳواڻ، اڳوڻو صوبائي وزير ايم پي اي سيد علي مردان شاهه 65 ورهين جي ڄمار ۾ دل جو دورو پوڻ سبب لاڏاڻو ڪري ويو. مرحوم جي جنازي نماز اڄ رات 10 وڳي سندس اباڻي ڳوٺ کاروڙو سيد ۾ ادا ڪئي ويندي. واضح رهي ته سيد علي مردان شاهه عمر ڪوٽ مان 6 دفعا سنڌ اسيمبلي جو ميمبر چونڊيل، 2 دفعا صوبائي وزير رهڻ سان گڏ پيپلزپارٽي جو ضلعي صدر به رهيو. مرحوم جي انتقال تي ضلعي ڀر ۾ سوڳ واري فضا ۽ شهرين پنهنجا ڪاروبار بند ڪري ڇڏيا. مرحوم کي هڪ پٽ ۽ هڪ نياڻي جو اولاد آهي. پاڻ صوبائي وزير سيد سردار علي شاه جا ماما هئا.
