اسلام آباد (بيورو رپورٽ): حڪومت پاران پيٽروليم شين جي قيمتن ۾ گھٽتائيءَ جو نوٽيفڪيشن جاري ڪيو ويو آهي. پيٽروليم ڊويزن پاران 7 آگسٽ لاءِ جاري ڪيل پڌرائيءَ موجب پيٽرول جي قيمت ۾ 3 روپيا 19 پئسا في ليٽر گھٽتائي ڪئي وئي آهي، جنهن بعد پيٽرول جي نئين قيمت 329 روپيا 82 پئسا في ليٽر مقرر ٿي وئي آهي. نوٽيفڪيشن موجب هاءِ اسپيڊ ڊيزل جي قيمت ۾ 1 روپيو 50 پئسا في ليٽر گھٽتائي ڪئي وئي آهي، جنهن کانپوءِ ڊيزل جي نئين قيمت 382 روپيا 36 پئسا في ليٽر ٿي وئي آهي.
