اسلام آباد (بيورو رپورٽ) پيٽروليم ڊويزن اڄ اڱاري 21 جولاءِ لاءِ پيٽروليم شين جي قيمتن جو نوٽيفڪيشن جاري ڪري ڇڏيو آهي. نوٽيفڪيشن موجب، ڊيزل جي قيمت ۾ 5 رپيا 71 پيسا في ليٽر واڌ ڪئي وئي آهي، جنهن کانپوءِ ڊيزل جي نئين قيمت 360 رپيا 6 پيسا في ليٽر مقرر ڪئي وئي آهي. نوٽيفڪيشن ۾ چيو ويو آهي ته پيٽرول جي قيمت ۾ 35 پيسا في ليٽر لاٿ ڪئي وئي آهي، جنهن کانپوءِ پيٽرول جي نئين قيمت 315 رپيا 80 پيسا في ليٽر مقرر ڪئي وئي آهي. پيٽروليم ڊويزن موجب پيٽرول ۽ ڊيزل جي نئين قيمتن جو تعين اوگرا (OGRA) پاران ڪيو ويو آهي.
