رحيم يار خان (ويب ڊيسڪ) پنجاب پوليس طرفان پ پ اڳواڻ ۽ پنجاب اسيمبلي جي ميمبر ممتاز علي چانگ جي گھر تي چڙھائي ڪري سندس 5 ملازم گرفتار ڪري ورتو آهي.ميڊيا سان ڳالهائيندي پ پ ايم پي اي ممتاز چانگ جو چوڻ آهي ته پنجاب اسيمبلي ۾ رحيم يار خان پوليس جي زيادتين خلاف آواز اٿارڻ سبب پوليس طرفان انتقامي ڪارروائي ڪئي پئي وڃي. هن چيو ته رحيم يار خان پوليس گھر تي چڙھائي ڪري منھنجا 5 ملازم گرفتار ڪري وئي، پنجاب پوليس جي هن عمل سان صاف ظاهر ٿئي ٿو ته انتظاميا سياسي مخالفن کي دٻائڻ لاءِ اهڙي قسم جا حربا استعمال ڪري رهي آهي.
