لاهور (ويب ڊيسڪ)علي سيٺي ۽ شي گل جي ڪوڪ اسٽوڊيو سيزن 14 جي گاني ”پسوري“ هڪ ٻيو اعزاز حاصل ڪيو.فوٽو ۽ وڊيو شيئرنگ پليٽ فارم انسٽاگرام تي علي سيٺي هڪ وڊيو شيئر ڪئي جنهن ۾ هن خوشي جو اظهار ڪندي چيو ته پسوري گيت يوٽيوب تي 300 ملين ويوز جو رڪارڊ قائم ڪري ورتو آهي.هي گانا ڪوڪ اسٽوڊيو سيزن 14 جو پنجون گانا هو جيڪو هن سال 7 فيبروري تي رليز ڪيو ويو.هي گيت هن وقت تائين وڏي ڪاميابي ماڻي چڪو آهي، جنهن ۾ ڪيترائي عالمي رڪارڊ قائم ڪيا ويا آهن. اهو گانو ڪوڪ اسٽوڊيو سيزن 14 جو پهريون گيت بڻجي ويو جنهن کي پهرين 24 ڪلاڪن ۾ 1 ملين ويوز مليا.گيت پڻ ان کي اسٽيمنگ ويب سائيٽ Spotify جي 50 گلوبل وائرل وڊيوز جي مارچ جي رپورٽ جي مٿين ٽن ۾ شامل ڪيو. اهو نه رڳو هندستان پر آمريڪا، برطانيه، ڪئناڊا، وچ اوڀر جي ملڪن ۽ آفريڪا ۾ به ڳايو ويو ۽ ماڻهن ان تي ٽڪ ٽاڪ وڊيوز ٺاهي.گاني ۾ جتي علي سيٺي جي آواز کي تمام گهڻو پسند ڪيو ويو، اتي نئين ڳائڻي شي گل کي به ساراهيو ويو ۽ ان سان شهرت ماڻي.
